අගමැතිතුමා නෑ
පහුගිය දවසක හිටපු ජනාධිපති මහින්ද රාජපක්ෂ මැතිතුමාගේ නිළ Facebook පිටුවෙ තිබුණු පරණ පින්තූරයක්, අහම්බෙන් වගේ දකින්න ලැබුණා. මේක දැක්කම මටත් පරණ කතාවක් මතක් වුණා.
2005 අවුරුද්දෙ ආනන්දෙ චිත්ර කලා සංසදයෙන් සංවිධානය කරපු "අනද රේඛා" චිත්ර ප්රදර්ශනය තිබ්බේ කලා භවනේ. චිත්ර කලා සංසදයේ සාමාජිකයෙක් වෙලා හිටපු නිසා එදා උදෙන්ම ගිහින්, අයියලාට උදව් වුණා උත්සවයේ වැඩ කටයුතුවලට. එදා මහින්ද රාජපක්ෂ මහත්තයටත් ආරාධනා කරලා තිබ්බා, ප්රදර්ශනය විවෘත කරන්න එන්න කියලා. ඒ කාලෙ රටේ අගමැති. උදේ අටයි ගාණකට තමයි ප්රදර්ශනය විවෘත කරන්න තිබ්බේ. ඉතින් එළියෙ කට්ට අව්වෙ ඉදන් පැය එක හමාරක් විතර බලන් හිටියා හිටියා හිටියා හිටියා, ඒත් අගමැතිතුමා ආවෙ නෑ. එදා සෝමා එදිරිසිංහ මහත්මිය, අත්තනායක එම් හේරත් මහත්තයා එහෙමත් ඇවිත් හිටියා. අන්තිමේදි එයාලට කියලා තමයි ප්රදර්ශනය විවෘත කළේ.
ඊට පස්සෙ ඉතින් ප්රදර්ශනය බලන්න කට්ටිය එනවා යනවා. දවල් 2ට 2.30ට විතර චිත්ර කලා සංසදේ අයියලයි, අපියි, අමරා මැඩමුයි පිටිපස්සෙ ශාලාවක විවේක ගත්තා. අපි ඉතින් වාඩිවෙලා විවේකී සුවයෙන් කතා කර කර හිටියා. එක පාරටම සංගමයේ සභාපති අයියා දුවගෙන ඇවිත් කිව්වා "Prime Minister ඇවිල්ලා" කියලා. ඒක අපි කවුරුවත් බලාපොරොත්තු නොවුණු දෙයක්. ඉතින් ඔක්කොමලා දඩිබිඩි ගාලා දිව්වා ඉස්සරහට. කාරණාව ඇත්ත තමයි. අගමැතිතුමා ඇවිල්ලා. අපි එනකොටත් අගමැතිතුමා චිත්ර බලන්න පටන් අරගෙන. අපිත් අගමැතිතුමාගෙ ළගින්ම ගිහින් හිට ගත්තා. පරක්කු වෙලා ආපු නිසා ඒ වෙලාවෙ අගමැතිතුමාට දෙන්න සමරු පොතක් තිබ්බෙ නෑ. ඔක්කොම සමරු පොත් ටික කලින්ම බෙදලා ඉවර වෙලා. අන්තිමේදි ඉතින් එදා මගේ සමරු පොත තමයි, අගමැතිතුමාට දුන්නේ. කොහොම හරි ඉතින් වෙලාවටම නැති වුණත්, ආරාධනාව අහක දාන්නෙ නැතුව, අන්තිම මොහොතෙ හරි ආපු නිසා, අගමැතිතුමා එදා එතන හිටපු හැමෝගෙම ප්රශංසාවට ලක් වුණා.
ඊට පස්සෙ ඉතින් ප්රදර්ශනය බලන්න කට්ටිය එනවා යනවා. දවල් 2ට 2.30ට විතර චිත්ර කලා සංසදේ අයියලයි, අපියි, අමරා මැඩමුයි පිටිපස්සෙ ශාලාවක විවේක ගත්තා. අපි ඉතින් වාඩිවෙලා විවේකී සුවයෙන් කතා කර කර හිටියා. එක පාරටම සංගමයේ සභාපති අයියා දුවගෙන ඇවිත් කිව්වා "Prime Minister ඇවිල්ලා" කියලා. ඒක අපි කවුරුවත් බලාපොරොත්තු නොවුණු දෙයක්. ඉතින් ඔක්කොමලා දඩිබිඩි ගාලා දිව්වා ඉස්සරහට. කාරණාව ඇත්ත තමයි. අගමැතිතුමා ඇවිල්ලා. අපි එනකොටත් අගමැතිතුමා චිත්ර බලන්න පටන් අරගෙන. අපිත් අගමැතිතුමාගෙ ළගින්ම ගිහින් හිට ගත්තා. පරක්කු වෙලා ආපු නිසා ඒ වෙලාවෙ අගමැතිතුමාට දෙන්න සමරු පොතක් තිබ්බෙ නෑ. ඔක්කොම සමරු පොත් ටික කලින්ම බෙදලා ඉවර වෙලා. අන්තිමේදි ඉතින් එදා මගේ සමරු පොත තමයි, අගමැතිතුමාට දුන්නේ. කොහොම හරි ඉතින් වෙලාවටම නැති වුණත්, ආරාධනාව අහක දාන්නෙ නැතුව, අන්තිම මොහොතෙ හරි ආපු නිසා, අගමැතිතුමා එදා එතන හිටපු හැමෝගෙම ප්රශංසාවට ලක් වුණා.