ගවේෂණ අංක 15
113. සීගිරිය - කැසිකිළිය
අපට මේ කැසිකිළිය දැකගන්න පුලුවන් වෙන්නෙ බෝධිඝරයට එහා පැත්තෙන්. මේ කැසිකිළියට එකතු වෙන මුත්රා, පරිසරයට හානියක් නොවන විදිහට බැහැර කරන්න පැරැන්නෝ සමත් වෙලා තියෙනවා.
114. සීගිරිය - පිළිම ලෙන
කාශ්යප යුගයට පෙර භික්ෂූන් වහන්සේලාගේ සංඝාවාසයක් විදිහට භාවිතා වෙලා තිබුණු මේ ගල් ලෙන, කාශ්යප යුගයෙන් පසුව පිළිම ගෙයක් විදිහට භාවිතා කරලා තියෙනවා. මේ ලෙනේ මුල් කටාරමට ඉහළින් තවත් කටාරමක් කොටලා ඇතුළත බදාම ආලේප කරලා සිතුවම් ඇඳලා තිබිලා තියෙනවා.
ක්රි.පූ 3 – 1 සියවස් වලට අයත් සෙල්ලිපියක් මේ ලෙනෙන් සොයාගෙන තියෙනවා. ඒ සෙල්ලිපියට අනුව “තිරි” කියන ප්රධානියාගේ පුත්රයෙක් වුණු “අභික්ධය” කියන කෙනා මේ ලෙන භික්ෂූන් වහන්සේලා උදෙසා පූජා කළා කියලා තිබෙනවා.
ඒ වගේම හිස සිදී ගිය බුද්ධ ප්රතිමාවක් මේ ලෙනෙන් සොයාගෙන තියෙනවා. ලක්ෂණ අනුව ප්රතිමාව ක්රි.ව 7 – 8 සියවස් වලට අයිති එකක් කියලා සැක කෙරෙනවා.
ඒ වගේම හිස සිදී ගිය බුද්ධ ප්රතිමාවක් මේ ලෙනෙන් සොයාගෙන තියෙනවා. ලක්ෂණ අනුව ප්රතිමාව ක්රි.ව 7 – 8 සියවස් වලට අයිති එකක් කියලා සැක කෙරෙනවා.
ගල් ලෙන ඇතුළෙත් බදාම ආලේප කරලා බිතු සිතුවම් නිර්මාණය කරලා තිබුණු බවට සාධක තියෙනවා. ඒ වගේම ගල් ලෙනට පිටතින් සහ ඇතුළත තිබෙන ගඩොල් ශේෂ කොටස් වලින්, පෙර රජ දවස මේ පිළිම ලෙන තිබුණු ආකාරය ගැන දළ අදහසක් ගන්න පුලුවන්.